Zëvendëskryeministri serb Aleksandar Vulin zhvilloi bisedime në Moskë me zyrtarë rusë nga sistemi politik, ushtarak dhe i sigurisë së vendit, njoftoi sot zyra e tij.

“Vulin pati gjithashtu bisedime të suksesshme me zëvendës ministrin e jashtëm rus Aleksandër Grushko, të cilin ai kërkoi t’i përcillte mirënjohjen e tij ministrit Sergej Lavrov për mbështetjen e tij ndaj Serbisë në Asamblenë e Përgjithshme të OKB-së dhe votimin kundër rezolutës për Srebrenicën”, thuhet në deklaratë.

Në deklaratë thuhet se Vulin bisedoi me Sekretarin e Këshillit të Sigurimit rus Sergei Shoigu, Ministrin e Punëve të Brendshme të atij vendi Vladimir Kolykoltsev, si dhe me zyrtarë të Ministrisë ruse të Mbrojtjes dhe krerët e kompleksit ushtarako-industrial.