Ish-kryediplomati Petrit Selimi i ka reaguar kryeministrit Albin Kurti, pasi ky i fundit kritikoi marrëveshjen e Shqipërisë me Italinë për objektet e emigrantëve.
Selimi ka thënë se ky është një sulm i ulët ndaj Ramës.
Tutje, ai ka përmendur marrëveshjen e Qeverisë së Kosovës me Danimarkën për të burgosurit emigrantë.
“Kryeministri i Kosovës kritikoi kryeministrin e Shqipërisë për marrëveshjen me Italinë rreth objekteve të emigrantëve. Një sulm i ulët ndaj Ramës, pasi që ishte vetë Qeveria Kurti që nënshkroi marrëveshje me Danimarkën duke hapur Kosovën për të strehuar qindra të huaj dhe emigrantë të burgosur në burgjet e Kosovës.” – ka shkruar ai.
Kosovo PM criticized Albania PM for the deal with Italy on migrants facilities. A petty attack against Rama, as it was Kurti government itself who signed a deal w/ Denmark opening Kosovo to house hundreds of jailed foreigners & migrants in Kosovo jails? 🤔 https://t.co/i8Dnt679HI
— Petrit Selimi (@Petrit) October 22, 2024
