Shqipëria e fillon procesin më të rëndësishëm të reformave për hapjen e kapitujve brenda dialogut me BE-në që është zbatimi i detyrave të sundimit të ligjit në eliminimin e pasojave të qeverisjes post komuniste prej dekadash.
Shqipëria ka çfarë të pastrojë në terrenin politik, ku janë zhvatur miliardë euro gjeografi e shtetit, ku janë rrënuar lagje e qytete në emër të interesit nacional, e ku është luftuar e derdhur gjak në emër të protestave qytetare, duke filluar nga viti 1997, kur lufta politike e partive gëlltiti me armët e vjedhura të ushtrisë rreth shtatë mijë shqiptarë.
Pastrimi i terrenit korruptiv në Shqipëri, vjen nga politika dhe parapolitika dhe çdo proces zhvillohet në sy të gjithëve dhe pa u fshehur pas perdes.
Procesi i reformës së filluar me arrestimin e ish- presidentit, kryeministrit, krye kuvendarit, ministrit të shumfishtë Ilir Meta, është i vonuar në Shqipërinë me 113 vjet shtet dhe shtetësi. Shqipëria, e ndodhur mes shtetesh të kalibrit të lartë ekonomik, ushtarak , kulturor e politik, si Italia e Greqia, me detin më atraktiv të të gjitha ngjyrave të publikuara, madje edhe nga mijëra media të Spanjës, Francës, Gjermanisë dhe SHBA-së, do të duhej të ishte një predispozitiv i zhvillimit qendror në rajon, por krahasuar me vendet e Ballkanit Perëndimor, shteti shqiptar ka marrë flamurin e liderit për hapje kapitujsh drejt BE-së.
Për ta filluar një proces të tillë, nuk ishte as nuk është e lehtë në Shqipërinë e njohur nga bandat mafioze në botë, ku parapolitika prin nga pastrimi i parave deri te portet detare të Kolumbisë.
E filluar me arrestimin e Ilir Metës, figurës politike që ka ditur më së miri të operojë politikisht herë me PD-në e herë me PS-në, Qeveria e Edi Ramës, po ndjek kursin kroat me arrestimin e ish presidentit Sanader që ishte lajmi më simptomatik se kur arrestohej ai, të tjerët as që diskutoheshin.
Për ta nisur një rrugë të tillë, duhet jo vetëm politikë e shëndetshme, por edhe guxim lidershipi për luftë kundër para politikës , duke filluar nga dikush që ishte i paprekshëm e deri te ata që shemben nga pamjet e arrestimit spektakolar të Metës në rrugën e Tiranës.
Aksioni policor u ofendua dhe kundërshtua nga Meta
Meta u arrestua në afërsi të kthesës së Kamzës teksa po udhëtonte me makinë për në selinë e Partisë së Lirisë, ku aty nga ora 13 do të mbante konferencë për media.
Ministri Hoxha i është përgjigjur kritikave për mënyrën se si ka vepruar policia e Shtetit për të kryer arrestimin.
“Pra, Policia e Shtetit dje kreu detyrën dhe u detyrua ta kryente duke përdorur forcën, për gjithë sa sqarova më lart, duke iu referuar dinamikës së ngjarjes, jo dëshirës, sesi do të kishte qenë më mirë të ndodhte apo të mos ndodhte”, shkruan ai ndër të tjera.
Shtetasi i Shqipërisë Ilir Meta, si i paprekshëm në Shqipëri, ka rezistuar ndaj pjesëtarëve të Policisë së Shqipërisë, që ekzekutonin urdhrin e Prokurorisë së Posame të Antikorrupsionit, ka hasur në ofendime dhe rezistencë fizike nga Meta dhe janë detyruar ta përmbyllin arrestimin në mënyrën çfarë u pa nga të gjithë, në vend se ta zbatonte urdhëresën e shtetit në mënyrë të civilizuar. Pse?
Sepse figurat e larta në Shqipëri, nuk janë mësuar t’i përgjigjen deri tani drejtësisë së shtetit as kërkesës së organeve të rendit.
Organet zyrtare të shtetit, të cilët mesiguri se përgatiten prej shumë kohësh për fillime të sundimit të ligjit në Shqipëri, kanë deklaruar se shumica e analistëve në Shqipëri kanë kritikuar aksionin policor të arrestimit dhe kjo vjen për faktin se askush nuk është mësuar të pajtohet me arrestimet e figurave të paprekshme, edhe kur me dekada flitet për zhvatje të parasë publike sikur në rastin e Ilir Metës.
Sistemi ekzekutiv i Edi Ramës, është shprehur mbrëmë pas ekzekutimit të arrestimit duke thënë:
“Por e ndjej për detyrë të shprehem në emër të atyre efektivëve, të cilët nuk e meritojnë trajtimin tejet tendencioz, që iu bë operacionit të tyre.
Për zbatimin e vendimit të Gjykatës u angazhuan efektivë të Forcës Lëvizëse Operacionale, forcë e posaçme e trajnuar dhe specializuar për të ndjekur protokollet standarde sipas rastit, dhe jo punonjës të Rendit, që është një forcë shërbimi ditor.
Ata fatkeqësisht u përballën me një subjekt, që kundërshtoi forcërisht t’i nënshtrohej vendimit të Gjykatës, sapo mori dijeni për të.
Kjo është zanafilla e ngjarjes dhe nga këtu fillon arsyetimi sipas protokollit, që Policia e Shtetit ndjek në ekzekutimin e një vendimi ndalimi”, thanë zyrtarët e sistemit qeveritar të Edi Ramës.
Kryeministri aktual i Shqipërisë Edi Rama e kishte filluar luftën me pastrimin e Lazaratit, një fshat i Qarkut të Gjirokastrës në Jug të Shqipërisë që prodhonte 900 tonë hashash në vit. Ishte një betejë e forcave të rendit me popullatën e armatosur të ish formacioneve politike nga koha e Berishës, autobotet shtetëror të të cilit ujisnin plantacionet e drogave në arat e mbjella dhe kontrolluara nga banorët./Telegram News