Kandidati i Partisë Demokratike të Kosovës për Kryeministër të Kosovës, Bedri Hamza, i ka bërë thirrje qytetarëve që t’i bashkohen PDK-së.
Përmes një videoje të postuar në Facebook, Hamza i drejtohet qytetarëve duke i thënë se më 9 shkurt a do të duan ndryshimin.
“Më 9 shkurt, secili prej nesh duhet ta pyes veten: a e pranojmë Kosovën kështu si është sot apo e duam një Kosovë ku mund të bëjmë më shumë? A i kemi rrogat e mira, a po ia ofrojmë rinisë arsimin që e meriton, a po përkrahen bizneset sa duhet, a janë pensionet të mjaftueshme dhe a është mirë Kosova?”, tha ai.
Më tej, Hamza thotë se beson në potencialin e Kosovës dhe se ekonomia mund të jenë më mirë.
“Unë besoj në potencialin e Kosovës dhe kjo nuk është më e mira që ne e duam. Ekonomia, arsimi e shëndetësia mund të jenë më mirë”, thotë Hamza.
