Shefi i Grupit Parlamentar të Aleancës për Ardhmërinë e Kosovës, Besnik Tahiri, ka deklaruar se në rast të shpërndarjes së Kuvendit për shkuarje në zgjedhje të parakohshme, atëherë kjo sipas tij tregon se ekziston një marrëveshje paraprake mes Lëvizjes Vetëvendosje dhe Partisë Demokratike të Kosovës.
Sipas tij, ftesa e Kurtit me opozitën kishte për qëllim “mbytjen e debatit” për anëtarësim në Këshillin e Evropës.
Tahiri ka thënë se në rast të shpërndarjes së Kuvendit, atëherë kjo sipas tij, “do të tregojë për marrëveshjen mes LVV-së dhe PDK-së.”
Tahiri: S’ka shpërndarje të Kuvendit, por ka marrëveshje për dorëzim
“Rrugë tjetër nuk ka, shpërndarje nuk ka. Nëse bëjnë shpërndarje dy partitë politike atëherë shihet që ka një marrëveshje të dorëzimit, por në një formë tjetër, ku deputetët, Kuvendi, e marrin fajin për shpërndarje”, shtoi Tahiri.