Deputeti i Lëvizjes Vetëvendosje, Mefail Bajqinovci tha se takimi mes kryeministrit të Kosovës, Albin kurtit dhe shefit të CIA-s, William Burns është dëshmi e marrëdhënies me SHBA-në.
Bajqinovci përmes një postimi në Facebook ka shkruar se opozita dhe analistat janë lodhur me deklarime se si shefi i CIA-së nuk e takon Kurtin.
“Disa opozitar dhe analist janë lodhur duke deklaruar qysh shefi i CIA-s nuk e takon Kryeministrin Kurti duke mbjellë dyshime dhe pasiguri, por faktet flasin vetë. Takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në”, ka shkruar Bajqinovci.
Deputeti tha se përgjigjja ndaj opozitës është puna dhe angazhimi për Kosovën.
“Përgjigja më e mirë ndaj spekulimeve opozitare është puna konkrete dhe angazhimi i vazhdueshëm për të mirën e vendit tonë. Kosova ecën përpara, pavarësisht përpjekjeve për të na penguar”, ka shkruar Bajqinovci. /TelegramNews/
Ndryshe, William Burns është duke zhvilluar një takim me kryeministrin, Albin Kurti në ndërtesën e Qeverisë së Kosovës.
