Ministria e Kulturës, e udhëhequr nga Hajrullah Çeku, e kishte angazhuar një ekspert të cilin do ta paguajë 5,560 euro në muaj.

Lidhur për këtë rast ministri Çeku duke ju përgjigjur moderatorit gjatë intervistës tha se nëse i ngrihet aktakuzë për këtë çështje, atëherë nuk do ta kishte problem as dorëheqjen.

“Jam shumë i interesuar që në raste të tilla të bëjë çkado që është e mundur, të ofroj një standard të mirë moral. Besoj edhe dorëheqja dhe çdo veprim tjetër i nevojshëm për me mbet sa më larg nga çfarëdo mundësie me ndiku në vendimmarrjen e institucioneve që janë të pavarura, por edhe aty që supozohet që ka ndodhë një vepër që në fund ka prodhu një aktakzuë. Asnjëherë s’kam qenë i ngarkum me çështjen e pozitave, ka shumë sulme e shpifje, kritika që janë të zakonshme e normale”, tha ministri në emisionin “Debat plus”.