Një hetim preliminar nga autoritetet libaneze për pajisjet e komunikimit që shpërthyen në Liban këtë javë zbuloi se eksplozivët ishin instaluar në to para se të arrinin në vend, sipas një letre dërguar Këshillit të Sigurimit të KB nga misioni libanez në Kombet e Bashkuara.

Autoritetet gjithashtu zbuluan se pajisjet, pagerët dhe radiolidhjet, shpërthyen duke dërguar mesazhe elektronike në pajisje, tha në një letër që Reuters kishte publikuar, transmeton Telegram News.

Izraeli është përgjegjës për planifikimin dhe kryerjen e sulmit, tha misioni libanez në KB.

Këshilli i Sigurimit prej 15 anëtarësh është planifikuar të takohet të premten për të diskutuar për këto shpërthime.

Sulmet ndaj pajisjeve të komunikimit të Hezbollahut vranë 37 persona të martën dhe të mërkurën dhe plagosën rreth 3,000.

Izraeli nuk ka komentuar drejtpërdrejt sulmet, për të cilat burimet e sigurisë thonë se ndoshta janë kryer nga agjencia e saj spiun Mossad, e cila ka një histori të gjatë për të kryer sulme të sofistikuara në tokën e huaj. /TelegramNews/