Shefi i Hezbollahut Hasan Nasralah flet për mënyrën se si ata synojnë të përgjigjen ndaj Izraelit.

“Në emër të të gjithë atyre që humbën anëtarët e familjes ose u plagosën, në emër të të gjithë atyre që luftuan në emër të Gazës, ne i themi Netanyahu dhe Gallant, armikut, se fronti libanez nuk do të zhduket para se agresioni në Gaza të ndalet,” tha ai, transmeton Telegram News.

“Unë them qartë: pavarësisht nga pasojat, pavarësisht nga viktimat, pavarësisht nga skenarët, ne nuk do të ndalojmë mbështetjen e rezistencës në Gaza dhe Bregun Perëndimor”, shtoi ai.

Ai pretendon se sulmet e kësaj jave nëpër Liban kishin për qëllim minimin e infrastrukturës së grupit militant. Ai thekson se “armiku izraelit” planifikoi sulme për të shkaktuar ndarje në Hezbollah.

Dy ushtarë izraelitë të vrarë në kufi me Libanin

Dy ushtarë izraelitë u vranë afër kufirit me Libanin, tha ushtria izraelite.

Media izraelite raporton se një ushtar u vra nga një dron dhe tjetri nga një raketë anti-tank.

Izraeli dhe Hezbollahu vazhduan të shkëmbejnë zjarr pas shpërthimeve vdekjeprurëse në të gjithë Libanin të martën dhe të mërkurën. /TelegramNews/