Ukraina nuk do të pranojë kushtet për fillimin e negociatave për ndërprerjen e luftës të paraqitura nga presidenti rus Vladimir Putin, tha një këshilltar i presidentit ukrainas Volodymyr Zelensky, Mykhailo Podolyak.
Ai e kundërshtoi propozimin e Putinit, duke thënë se nuk ishte një përpjekje serioze për të arritur një marrëveshje mbi paqen dhe nuk ishte relevante për asnjë negociatë.
Podolyak tha për Reuters se “nuk ka mundësi për të gjetur një kompromis” midis deklaratave të Putinit dhe kushteve për përfundimin e luftës së paraqitur nga Ukraina.