Kanë mbetur të dëgjohen edhe 43 dëshmitarë në Dhomat e Specializuara të Gjykatës Speciale në Hagë (ZPS) në gjykimin ndaj  Hashim Thaçit, Kadri Veselit, Jakup Krasniqit dhe Rexhep Selimi, për t’u përmbyllur cikli i dëshmitarëve, kur në Kosovë është riaktualizuar  deklarata e famshme e emisarit amerikan për dialgon Kosovë-Serbi Richard Grenell se nëse vjen në krye të SHBA-së Donald Trump, Gjykata e Dhomave të Specializuara në Hagë do të zhbëhet, ndërsa avokati i mirënjohur  Skënder Musa deklaron se zhbërja e kësaj Gjykate  mund të bëhet realitet.

Ndërmjetësi amerikan për  dialogun Kosovë-Serbi Richard Grenell, kishte deklaruar  para fushatës elektorale në SHBA se nëse kthehet në Shtëpinë e Bardhë Donald Trump, do të ushtrohet ndikim  për zhbërjen e ZPS-së.

Deklarata e Grenell për ushtrimin e ndikimit amerikan në lirimin e krerëve të UÇK-së dhe zhbërjen e kësaj Gjykate, tani është bërë temë virale e mediave dhe rrjeteve sociale.

Avokati i mirënjohur kosovar Skënder Musa i ka pohuar gazetës telegram News, se Gjykata Speciale e Kosovës në Hagë  mund të zhbëhet.

Lidhur me procesin e mundësive të zhbërjes së ZPS-së Musa thotë:

“Nëse vendet të cilat kanë kontribuar me prokurorë, tërheqin prokurorët dhe nëse i transferojnë lëndët në Kosovë, zhbërja mund të ndodh. Normal,  kjo çështje kërkon edhe implikimin  e Kuvendit të Kosovës në proces,  e gjithashtu edhe Qeverinë dhe BE-së si sposor, përfshirër edhe rolin e Presidentit, apo ndonjë grupi parlamentar që do ta inicojë ndyshimin e ligjit për Gjykatën Speciale dhe bartjen e kompetencave dhe lëndëve në Prokurorinë Speciale të Republikës së Kosovës në gjykatat e rregullta.Në këto raste ZPS, mund të zhbëhet, u plotësuar  procedurat konform ligjeve në fuqi ”, ka deklaruar avokati Skender Musa.

Musa ka sqaruar se procedrualisht, një gjë e tillë mund të bëhet realitet, nëse ekziston bindja  ndërkombëtare dhe vendore se  kjo gjykatë duhet bartur në Kosovë.

Eksperti kushtetues-juridik Blerim Burjani: Mundësitë për zhbërje janë të ndryshme, deri sa  nuk ka prova faktike për dënime

Eksperti kushtetues-juridik dhe profesori universitar Blerim Burjani ka sqaruar mundësitë e zhbërjes së ZPS-së në nivel të atyre që e kanë themeluar dhe ka  thënë se mungesa e provave dhe dëshmive sikur  ku jemi tani, pasi nuk inkriminon  të akuzuarit  në veprime të tilla, jep mundësi të një verdikti të zhbërjes së kësaj Gjykate.

“Se pari varet nëse kjo Gjykatë do të jetë në ndonjë pozicion të lartë në administratën  Trump 2  dhe  dy, Gjykata nuk është bërë për t’u zhbërë. Por, ajo mund të zhbëhet me marrëveshje për zhbërje  nga ata që e themeluan  këtë  Gjykatë në keto raste:

Një, me përfundim të mandatit gjyqësor, me marrëveshje në mes BE-së dhe Kosovës dhe nëse humb kuptimi dhe  esenca e gjykimit, apo objketivi në mungesë të provave. Gjykata nuk mund të shuhet në mënyrë të një anshme, pra vetëm  nga njëra palë. Kosova ka marrëveshje për themelim e kësaj Gjykate me BE që është sponsor.

Eshtë e pamundshme që të shuhet kjo gjykatë veq me një falje, pasi që kjo gjykate duhet të kryej punën e saj

Nëse prokuroria ballafaqohet me mungesë faktesh për individët, deri tash prokuroria nuk ka prova direkte për të akuzuarit, por të terthorte që vështire provohen

Këtë dokument marrëveshje e ka qeveria e Kosovës”, ka thënë Blerim Burjani për Telegram News.

Zenun Pajaziti nga PDK, ka komentuar  mundësinë e zhbërjes së  kësaj Gjykate me kthimin e Donald Trumpit si president i SHBA-së

“Përpos që po i gëzohen amerikanët, kemi shumë arsye që t’i gëzohemi edhe ne për arsyet që i përmendën. Ka qenë i vetmi ai dhe zyrtarët e tij që i kanë përmendë Dhomat e Specializuara dhe pastaj kemi deklarimin se ai do të punojë për zhbërjen e sotme”, ka thënë Pajaziti.

Më herët, Richard Grenell, ish-emisar special i SHBA-së në dialogun Kosovë-Serbi, ka deklaruar se pas fitores së Donald Trump, do të ndodh lirimi i ish-presidentit të Kosovës Hashim Thaçi, nga Haga ku po gjykohet./Telegram News