Deputeti i Partisë Demokratike e Kosovës, Hisen Berisha ka paralajmëruar publikim të audio-incizimeve tjera, të ngjashme me atë të bisedës ndërmjet Kusari-Lilës dhe Milan Radoiçiq.
Ai nuk ka dhënë detaje se kush do të jetë në këto biseda, por ka thënë se do të jenë edhe më të rënda, sa që siç ka thënë ai do të na vije turp.
“Do të dalin prapë mbajeni mend, hala më keq. Ka me na ardh turp me thanë na jemi të një përkatësie etnike me qeta persona, çka kanë me dalë gjëra”, tha ai në emisionin “Këndi i Debatit” në Tëvë 1.
Berisha ka thënë se shefja e Grupit Parlamentar të LVV-së nuk ka komunikuar me Radoiçiqin në krye vete, duke aluduar se në dijeni ka qenë edhe kryeministri Kurti.