Ambasadori i Britanisë së Madhe në Kosovë, Jonathan Hargreaves, ka kërkuar që të zbatohet Marrëveshja e Ohrit.

Ai në një intervistë për Kossev, ka thënë se është  i zhëgnjyer që negociatat mes vendeve janë ndërprerë.

” Megjithatë, kjo nuk do të arrihet plotësisht derisa të zbatohen të gjitha aspektet e Marrëveshjes së Ohrit, si nga pala kosovare ashtu edhe nga pala serbe. Është thellësisht zhgënjyese që negociatat, aktualisht janë ndërprerë.” – ka thënë ndër të tjera ai.

Hargreaves ka theksuar se është e nevojshme që qeveria e Kosovës të bëjë më shumë në mënyrë që serbët të ndjejnë se “kjo është shtëpia e tyre dhe se ata janë të sigurt se kanë të ardhme këtu”.

Ai shtoi se ekzekutivit kosovar ia kanë bërë shumë të qarta shqetësimet në lidhje me veprimet e pakoordinuara.

“Siç e dini, ne i kemi bërë shumë të qartë shqetësimet tona se disa nga lëvizjet e bëra gjatë dy viteve të fundit janë bërë me vëmendje të pamjaftueshme ndaj ndikimit që kanë në komunitetet lokale, veçanërisht ato më të cenueshme. Ne vazhdojmë të inkurajojmë Qeverinë e Kosovës të koordinohet me miqtë nga bashkësia ndërkombëtare dhe të marrë parasysh shqetësimet lokale”, tha ai.