Deputetja e Lidhjes Demokratike të Kosovës, Hykmete Bajrami ka reaguar pas njoftimit të ministrit Hekuran Murati se të gjithë të punësuarit, qoftë në sektorin publik apo privat, do të paguajnë më pak tatim për shkak se me ligjin e ri është rritur vlera e pagës që lirohet nga tatimi.
Me këtë rast, Bajrami në Facebook ka thënë se Qeveria e Kosovës ka rritur çmimin e energjisë elektrike mbi 100 për qind dhe tatimin në pronë mbi 100 për qind.
“Qeveria Kurti. Rryma mbi 100%, Tatimi në pronë rreth 100%, Çmimet rreth 50%, Pagat 1.5% (450 euro pagë), 9 shkurt”, ka shkruar Bajrami.
Ndryshe sot ministri i Financave, Hekuran Murati ka thënë se me ndryshimin e shkallëve tatimore, vlera e pagës që lirohet nga tatimi rritet në 250 euro nga 80 sa ishte./TelegramNews./