Të enjten nis procesi i Samitit të Berlinit, i cili ka pasur pritje që Manuel Sarrazini ta koordinojë procesin e CEFTA-s për tregti të lirë në Ballkanin Perëndimor, një proces shumë i rëndësishëm për Ballkanin dhe BE-në.
Emisari gjerman për Ballkanin Perëndimor, Sarrazini, ka bërë dy vizita pune në Kosovë për ta bindur Qeverinë që të ndërroi anë lidhur me lejen për pranimin e mallrave të Serbisë në Kosovë, që nisi bojkotin pas rrëmbimit të policëve kufitarë nga Serbia.
Procesi i Berlinit synon harmonizimin e tregtisë në rajon me një proces liberal ku ekonomia e tregut të lirë, tejkalon barrierat politike , por deri më tani nuk është parë dritë në fund të tunelit.
Kosova në këtë nismë përfaqësohet nga Ministria e Industrisë, Ndërmarrësisë dhe Tregtisë, e cila ishte dashur të përgatitet për këtë proces me program shtetëror, çoftë edhe duke treguar pse Kosova nuk dëshiron të merr pjesë në Berlin.
Sarrazini ka pasur pritje që Kosova ta ndryshojë qëndrimin lidhur me masat kundër mallrave të Serbisë , por nuk ka informacione qeveritare se ka lëvizje pozitive në këtë proces.
Emisari gjerman për Ballkanin Perëndimor ka spikatu se në rast të dështimit të Samitit të Berlinit për mos zbatimin e kushteve nga Kosova për CEFTA-n, BE do ta mbështes projektin “Ballkani i hapur”, por duke mos pranuar Kosovën në këtë program.
Nëse kjo ndodh, Kosova do të izolohet ekonomikisht nga nismat rajonale , ose të përjashtohet.
Për ditë të tëra sa u shkrua për procesin e Berlinit , Qeveria Kurti nuk e ka folur asnjë fjalë të vetme nëse do të merr pjesë atje me pranime të kushtëzimeve, apo to ta kundërshtoi marrëveshjen duke e shikuar nga pozicioni jashtë loje.
Ka mundësi që për shkak të refuzimit të kushteve të CEFTA-s, Kosova të pësojë edhe sanksione tjera, edhe pse kjo nuk është thënë zyrtarisht nga askush, por logjika e të qenët të Kosovës nën sanksione të BE-së, ta përforcojë bindjen e BE-së se Kosova nuk është e gatshme për bashkëpunim ndër rajonal.
Përveç problemeve me CEFTA-n, Kosova ka probleme edhe me heqjen e ligjit për punë nga Kalendari Legjislativ, për shkak se vetëm 2 në 10 gra janë të punësuara dhe shumë prej tyre detyrohen të punojnë pa të drejta të mbrojtjes dhe pa kushte themelore të punës.
Ligji për Punën është shumë i rëndësishëm për barazinë gjinore dhe përmirësimin e kushteve të punës në vend
Heqja e ligjit për punë nga Kalendari Legjslativ, nuk shikohet me sy të mirë nga organet e nismave rajonale./Telegram News