Deputeti i VV-së, Artan Abrashi, ka mbështetur Koordinatoren e Lëvizjes Vetëvendosje, Dejona Mihali, e cila është intervistuar nga Prokuroria Speciale.

Abrashi sugjeroi se kjo ftesë ka për qëllim ndikimin në zgjedhjet e shkurtit, duke aluduar se opozita, përfshirë PDK-në dhe LDK-në, po përdor prokurorinë për të sulmuar VV-në.

Ai theksoi se këto veprime janë të motivuara politikisht dhe se prokuroria është e kapur. Mihali është intervistuar si dëshmitare në disa çështje penale, duke përfshirë tenderët në KEK dhe rastin e Faruk Mujkës.