Në Veri të vendit, Policia e Kosovës në bashkëpunim me AKI-në kanë gjetur kamera vëzhguese në dy lokacione të ndryshme.

Kështu ka konfirmuar për Telegramin, Zëvendësdrejtori i Policisë për Rajonin e Veriut Veton Elshani.

Sipas tij, kamerat dyshohet se janë përdorur në vazhdimësi nga institucionet serbe, derisa me këtë rast janë identifikuar dy persona të cilët janë duke u intervistuar.

“Me date 27.06.2024, Policia e Kosovës në bashkëpunim të ngushtë me AKI-në, kanë identifikuar dy lokacione në të cilat kanë qenë të vendosura kamerat vëzhguese të kamufluara për monitorim të lëvizjeve të qytetarëve, institucioneve të Qeverisë së Republikës së Kosovës dhe prezencës ndërkombëtare në veri të vendit. Këto kamera dyshohet se janë përdorur në vazhdimësi nga institucionet e sigurisë së Serbisë. Lidhur me këtë rast janë të identifikuar dy persona të cilët janë me interes që të intervistohen nga ana e jonë”, tha Elshani./Telegrami.co