Avokati, Skënder Musa ka thënë se vendimet gjyqësore në Republikën e Kosovës do të duhej të bazoheshin në ligj dhe në prova, e jo siç tha ai, të ndikohen nga “brohoritjet e turmave” dhe politika.

Kjo pasi sipas Musës, presioni publik dhe ai politik që po bëhet kundrejtë çështjeve penale në vend, po ndikon negativisht në marrjen e vendimeve të drejta nga Gjykatat.

“Vendimet gjyqësore duhet të bazohen në ligj dhe prova e jo të ndikohen nga brohoritjet e turmave dhe politika. Presioni publik dhe politik që po bëhet për secilën çështje penale, po ndikon negativisht në marrjen e vendimeve të drejta dhe të ligjshme nga Gjykatat e Kosovës. Vendime të tilla ngjajnë si vendime në Romën e Lashtë, kur njerëzit denoheshin në bazë të brohoritjes së turmave”, tha Musa./Telegrami.co./