Menjëherë pas paraqitjes së dorëheqjes së kryeministrit të Serbisë Milosh Vuçeviq, ka reaguar Partia Froni i Gjelbërt e Serbisë e cila rënien e qeverisë së Serbisë e ka quajtur “qeveria me duar të përgjakura”, por Vuçiq shpall mashtrimin e ri politik se lufta me bojkotin gjeneral të shtetit lidhet me Vojvodinën republikë.

“Ra qeveria me duar të përgjakura, koha është për përgjegjësi penale! Kurrë më në Serbi nuk guxon të mbretërojë qeveri kriminale e të korruspionit të cilat marrin jetën e qytetarëve tanë, projektet e të cilës janë të dëmshme në ekonominë e konflikteve të ndarjes. Pas rënies së qeverisë koha është për arrestime dhe për kthimin e institucioneve në duart e qytetarëve”, ka shkruar PFGJ e Serbisë në rrjete sociale duke iu drejtuar qytetarëve të Serbisë.

Sipas pushteti brenda dhjetë ditësh do të vendoset nëse shkohet në qeveri teknike apo në zgjedhje të reja, por opozitarët serbë në parlament kanë thënë se nuk duhet pranuar populli  atë që e  thotë Vuçiqi.

Në tregun e mashtrimit politik Vuçiq po instalon frikën në Serbi se greva gjeneralë ka pas vetes luftën për Vojvodinën republikë.

“Nëse populli e do  Vojvodinën republikë, kjo është diçka tjetër, e nëse po bëhen se nuk po shohin çka po fshehët pas telit, ne u themi se do t’u kundërvihemi me të gjitha mjetet në dispozicion”, ka thënë Viçiq.

Në këtë mënyrë Vuçiq po instalon propagandën e re politike se grevistët në Serbi po punojnë për ndryshimet në statutin e Vojvodinës që Millosheviq i kishte hequr autonominë më 9 korrik 19881, duke provuar kartën e mashtrimit nëse ndez kjo akuzë që grevistët të dorëzohen.

Tubimet me të gjitha karakteristikat e seancave liturgjike  etno-nacionaliste dhe klerikale  kishin filluar  më 9 korrik 1988, kur qindra puçistë u sollën në Novi Sad për gjoja mbrojtjen e  Kosovës nga qytetarët e Vojvodinës, natyrisht me transport dhe sanduiçe falas nën parullën “të gjithë serbët në një shtet”, projekt që po e vazhdon edhe Aleksandar Vuçiq.

Punën e pambaruar të shtetit të Serbisë së sotme e ka shpjeguar analisti dhe profesori Milazim Krasniqi i cili thotë:

“Me këtë koncept politik, Serbia ka provokuar edhe Luftën e Parë Botërore, pas vrasjes së dukës Ferdinand në Sarajevë në vitin 1914. Me këtë koncept edhe Millosheviçi e filloi agresionin e Serbisë ndaj Kroacisë, duke piketuar kufirin e ri në linjën Karllovac-Virovitica-Karllobag. Ndërsa, në Bosnjë e Hercegovinë Serbia synoi të merrte sa më shumë territore, gjë që edhe rezultoi me një akord morbid ndërmjet Millosheviçit e Tuxhmanit, me ç’rast gjatë një darke ata e ndanë shtetin boshnjak duke e vizatuar ndarjen në një sallvetë! Sa i përket Kosovës, ajo konsiderohej brenda kufijve të shtetit serb, por me një ndryshim demografik: Territori të zbrazej tërësisht nga shqiptarët.Edhe pas dështimit të turpshëm të këtij projekti të krijimit të një shteti “të përfunduar”, gjë që u sanksionua edhe me dënimin e drejtuesve të shteti serb nga Tribunali i Hagës, Serbia ende punon që Kosova dhe BeH të bëhen shtete të dështuara në mënyrë që të mundësohet një “anshlus” eventual i Republika Sërpskas dhe i Kosovës. Pra, dështimi llogaritet si shans për ta përfunduar shtetin e Serbisë, sipas konceptit nacionalist “Të gjithë serbët në një shtet”, shpjegon Krasniqi./Telegram News