Kryetari i Sindikatës së Sektorit Privat të Kosovës, Jusuf Azemi, ka njoftuar se Komuna e Prishtinës, ka plotësuar kërkesat e sindikatës për rritje të pagës dhe se greva e paralajmëruar është anuluar.
Azemi bëri të ditur se punëtorët teknik të shkollave të mesme, rritjen nga 400 euro do ta kenë nga 30 shtatori, ata të shkollave fillore, nga 10 shtatori, ndërsa punëtorët e Qendrave Mjekësore Familjare, nga 16 shtatori.
Derisa ka theksuar se përgjatë takimit është vendosur që të paditen kompanitë të cilat nuk e kanë paguar përvojën e punës.
“Komuna i plotëson kërkesat e sindikatës,punëtorët vazhdojnë punën .
1.shkollat e mesme rritjen nga 400 eu do ta kenë nga 30 shtator 2024.
2. QMf nga data 16.09.2024 do të kenë pagë 400 eu bruto.
3.shkollat fillore nga data 10.09.2024 do ta kenë pagën 400 eu.
Po në ktë takim u vendos që për mospagesën e përvojës së punës të bëhet padi ndaj kompanive që nuk e kan paguar kte”, tha ai./TelegramNews./
