Shefi i Grupit Parlamentar të Aleancës për Ardhmërinë e Kosovës, Besnik Tahiri, gjatë qëndrimit në Huston të Teksasit është takuar me kryetarin e Kongresit Amerikan, Mike Johnson dhe pesë kongresmenë, Randy Weber, Dan Crenshaw, Morgan Luttrell, Brian Babin dhe Kevin Brady.
Përmes një postimi në Facebook, Tahiri ka bërë të ditur se ka theksuar në të gjitha takimet se Kosova ka një të ardhme të ndritur dhe se së bashku me miqtë amerikan do të ndërtohet një rrugë deri suksesit.
“Në të gjitha takimet theksova se: Kosova ka një të ardhme të ndritur, dhe së bashku me miqtë tanë amerikanë me mbështetjen e NATO-s, do të vazhdojmë të ndërtojmë një rrugë drejt prosperitetit, sigurisë dhe suksesit të përbashkët!” ka shkruar ai.
Më tej, Tahiri tha se angazhohen në forcimin e partneritetit dhe ka kërkuar mbështetje për anëtarësimin e Kosovës në NATO.
“Theksova se si vend angazhohemi në forcimin e miqësisë dhe partneritetin në mes të dy shtetëve dhe kërkova të kemi mbështetje për anëtarësimin e Kosovës më NATO”, tha tutje ai. /TelegramNews/