Kryeministri Albin Kurti, i shoqëruar nga zëvendëskryeministri Besnik Bislimi dhe ministri i Financave Hekuran Murati pritën sot në një takim të përbashkët me guvernatorin e Bankës Qendrore të Kosovës Ahmet Ismaili, drejtues dhe përfaqësues të bankave komerciale në Kosovë.
Në takim u diskutua mbi bashkëpunimin dhe bashkërendimin e aktiviteteve.
“Bashkëpunimi dhe bashkërendimi i aktiviteteve drejt përmbushjes së qëllimit për shërbime të qasshme dhe cilësore në gjithë territorin e Republikës së Kosovës dhe për gjithë qytetarët e saj, ishte tema e diskutimit në takimin që u mbajt në Ndërtesën e Qeverisë”, thuhet në komunikatë.
Kurti falënderoi përfaqësuesit e bankave për gatishmërinë e shprehur për të ofruar shërbime bankare sa më cilësore dhe sa më të sigurta. /TelegramNews/
