Sekretari organizativ i AAK-së, Gazmend Syla ka thënë se Presidentja Vjosa Osmani e ka tradhtuar Kosovën, ashtu siç ka bërë me partinë ku ka qenë.
Në një postim të bërë në Facebook, Syla i AAK-së thotë se Osmani tradhtinë e ka në gjak.
“Ashtu siç e ke tradhtuar partinë tënde, ashtu e ke tradhtuar edhe Kosovën. Njëherë tradhtare, gjithmonë tradhtare. Këtë e ke në gjak dhe në gjene”, ka shkruar Syla në Facebook.
Tutje ai ka thënë se pas fjalimit në Kuvend, presidentja duhej arrestuar, sepse sipas tij ajo paska qenë në dijeni gjithë kohës për degradimin dhe tradhtinë ndaj Kosovës, dhe ka vazhduar duke mbyllur njërin sy.
“Pas këtij fjalimi sot në Kuvend, ti duhej të ishe arrestuar, sepse paske qenë në dijeni gjatë gjithë kësaj kohe për degradimin dhe tradhtinë ndaj Kosovës, ndërsa ti e ke lejuar dhe ke mbyllur njërin sy. Nëse nuk e ke ditur, je Presidente”, ka shkruar ai.
