Shtetet e Bashkuara i kanë bërë thirrje Hamasit të pranojë një propozim për armëpushim në Gaza, që ka marrë mbështetje nga Izraeli.

Pas një takimi me kryeministrin izraelit Benjamin Netanyahu, Sekretari amerikan i Shtetit, Antony Blinken, njoftoi se Netanyahu kishte pranuar propozimin që mund të çojë në armëpushim dhe kthimin e pengjeve izraelite.

Blinken gjithashtu njoftoi planin për të udhëtuar në Egjipt dhe Katar për të diskutuar më tej, duke shtuar se bisedimet kanë hasur në vështirësi të vazhdueshme.