Pesë masat e Vuçiqit , kanë ndezur motorët e shumë serbëve të Kosovës të cilët e cilësojnë atë si tradhtar e njeri që ka vënë në lajthitje interesat e serbëve të Kosovës përmes artikulimit të zërit të Listës Serbe.
Vuçiq e dëshiron ndarjen e Kosovës nga ura e Ibrit dhe synimi i tij është ta mbajë sa më gjatë të ngrirë procesin e mos hapjes së urës, duke krijuar tensione në Kosovë në mënyrë që shtetin e Kosovës ta stagnojë në integrimin e BE-së.
Në procesin e marrëdhënieve ndërkombëtare Serbia synon ta parqet Kosovën në KS të OKB-së si vatër krize në rajon dhe shtet prej nga dëbohen serbët nga Kosova, ndërsa ta nxis Rusinë dhe Kinën me politika aktive kundër Kosovës.
Serbët e Kosovës po e kuptojnë se janë instrumentalizuar nga presidenti i Serbisë Vuçiq si vegla përdorimi në shumë mënyra, duke i detyruar ta braktisin punën si rasti me policët serbë në veri, e tani të shtron kërkesa që të njëjtët të kthehen në detyra të shërbimit ku kanë punuar.
Këtë ide po e mbështesin shumë ish-policë serbë duke u deklaruar se janë manipuluar nga Serbia.
Dalja e ish policëve serbë me deklarata të tilla, është përcjellur me probleme të reja në terren ku dyshohet se serbë të strukturave kriminale kryesisht nga Mbrojtja Civile, kanë hedhur koktej molotovi në një shtëpi në veri të Mitrovicës, saktësisht në Zveçan.
Dy automjete janë djegur në Çagllavicë afër Prishtinës gjë që tregon se zgjerimi i strukturave kriminale serbe po përhapet edhe jashtë veriut të Kosovës.
Profesori amerikan në Universitetin John Hopkins, Daniel Server, ka thënë para pak ditësh se SHBA dhe bashkësia ndërkombëtare ,duhet të pushojnë ta përkëdhelin Serbinë.
Server ka kërkuar nga SHBA që ta përkrah Kosovën në shtrirjen e sovranitetit territorial duke qeverisur dhe kontrolluar gjithë shtetin, por mbi parimet e lirisë së lëvizjes së lirë në jug e veri.
Daniel Server ka tërhequr vërejtjen perëndimit se prania e Serbisë në Bosnjë dhe Hercegovinë dhe në Kosovë paraqet pengesat e para të influencës ruso-serbe në dy shtete ku rrezikohet siguria e Ballkanit Perëndimor ,prandaj ka kërkuar që Serbisë ti ngushtohen dhe shuhen veprimet kriminale.
Server paralajmëron se zgjerimi i Serbisë kriminale në Mal të Zi, është paralajmërim i qartë edhe për Maqedoninë Veriore se ajo është në radhë , nëse Serbia dhe Rusia kanë sukses në BiH, Mal të Zi dhe Kosovë.
Server ngre dyshimet edhe në autoritetin e Kryeministrit Kurti pasi ai nuk përfill sugjerimet amerikane për koordinim të aksioneve në veri të Kosovës./Telegram news