Benjamin Netanyahu dënoi vendimin e qeverisë britanike për të pezulluar disa licenca të eksportit të armëve në Izrael, duke e përshkruar atë si një vendim të turpshëm duke e inkurajuar “gjenocidin e Hamasit”.
Kryeministri izraelit tha se vendi i tij ishte në luftë për të mbrojtur pengjet britanike gjithashtu dhe u zotua se masat britanike nuk do ta pengonin atë të fitonte konflikt në Gaza.
Në ndërhyrjen e tij të parë që kur Ministri i Jashtëm Britanik David Lammy u tha ligjvënësve se disa licenca të eksportit të armëve ishin pezulluar, Netanyahu shkroi në X: “Ky vendim i turpshëm nuk do të ndryshojë vendosmërinë e Izraelit për të mposhtur Hamasin, një organizatë gjenocidale terroriste që vrau me egërsi 1.200 njerëz në 7 tetor, përfshirë 14 qytetarë britanikë”, percjell Telegram News.
Netanyahu po përballet me presion të paparë mbi pretendimet brenda Izraelit se ndërhyrja e tij në negociatat e armëpushimit ka çuar indirekt në vdekjen e gjashtë pengjeve izraelitë. /TelegramNews/