Deputetja e Partisë Demokratike të Kosovës, Ganimete Musliu, ka thënë se Qeveria e Kosovës nuk ia ka plotësuar ende kërkesat e Policisë.

Përmes një postimi në Facebook, Musliu tha se puna e parë në Kuvend duhet të jetë realizimi i kërkesave të Policisë.

“Realizimi i kerkesave te Policise është puna e parë qe duhet të bëjmë si Kuvend, ose ta mbyllim gojen sepse Policia nuk ka nevojë për falenderimet e politikanëve. Ata po e kryejnë punen e tyre e ne duhet ta kryejme punen tone duke marre vendime konform nevojave dhe kerkesave te policise!”, tha ajo.

Më tej, Musliu tha se nëse “kryeministri i ri” Bedri Hamza nuk i plotëson këto kërkesa brenda 100 dite atëherë Musliu do t’i kërkoj llogari.

“Policia e Kosovës para një viti kishte këto kërkesa, edhe një vit pas gjëndja është e njejtë. Nëse Kryeministri i ri Bedri Hamza brënda 100 dite të qevrrisjes së tij nuk i adreson këto çështje unë përsonalisht do ti kërkoj llogari”, shtoi deputetja./TelegramNews/