Llapit dhe Gjilani kanë ndarë pikët pasi ndeshja e zhvilluar në stadiumin “Zahir Pajaziti” u mbyll me rezultat të barabartë 1-1.
Edhe pse krijuan raste të dyja palët, pjesa e parë u mbyll pa gola, derisa vlen për përmendjet pritja e jashtëzakonshme e portierit, Kenan Haxhihamza, që ja parandaloi golin llapjanëve.
Për dallim nga e para, pjesa e dytë ishte tejet dramatike.
Me të filluar 45 minutëshi i dytë, Oltion Bilalli gjeti golin në minutën e 50-të, pasi pranoi një asistim të bukur nga Edi Basa.
Në minutëat e fundit, Llapit nuk kishte çfarë të humbte dhe u nis në sulm me të gjitha forcat.
Njeriu i momenteve të fundit, doli në skenë.
Ahmed Januzi në minutën e 88-të, arriti që përmes një harkimi nga këndi, të shënojë me kokë për 1-1.
Deri në fund gola më nuk pati dhe të dyja skuadrat u desh të pajtoheshin me nga një pikë.
