Bashkatdhetarët sot e nesër mund të vizitojnë Kuvendin e Kosovës dhe të takohen me deputetët.
Gjatë vizitës së tyre, ata kanë treguar se çfarë cilat do të ishin porositë dhe rekomandimet e tyre për deputetët lidhur me punën e tyre legjislative.
Shumica nga mërgimtarët janë ankuar për infrastrukturën në kryeqytet, shëndetësinë e arsimin.
Një qytetare e cila jeton në Zvicër, Bedrije Oruglica është ankuar se fëmijët në çerdhe në Kosovë qëndrojnë të mbyllur. Përveç kësaj, çerdhet janë shumë afër rrugës.
“Kisha dashur më shumë të bëhet diçka, sa më shumë parqe për fëmijë, mjekësia është pak e dobët…00:57 Një që është duke më penguar që fëmijët në çerdhe nuk e kanë hapësirën për të shëtitur…1:59 Kisha bërë për fëmijë shumë më shumë, pak çerdhe ka, por për fëmijë edhe ato që janë nuk janë në funksionim sa duhet edhe nuk po më pëlqen se shumë afër rrugës çerdhet janë, parkingjet nuk janë sa duhet të mjaftueshme. Unë vetë jam lindur jam rritur, këtu nuk dua të bëj paragjykime por për vendin tim dua me pa shumë sende të mira”, ka thënë ajo.
Ndërsa, Shaqir Kosumi nga Gjermania, kishte ardhur në Kuvend për t’i shpjeguar fëmijëve historinë e kuvendit dhe njerëzve në pushtet.
“Po ndjehem tepër mirë, si në vend tëndin.. Nuk e kisha paramenduar se vjen një ditë për shtet tëndin, pavarësi liri. Kjo është themeli shtëpisë, ku vendoset gjithçka për të mirë dhe për të keq. Desha me ia shpjegua fëmijëve se çka është, kush është kryeministri”, ka thënë Kosumi.
Po ashtu, Sabrije Gashi, e cila jeton në Holandë që 31 vjet, është shprehur se nëse kishte takuar deputetët do t’ua rekomandonte që të rregullohen rrugët, arsimi dhe shëndetësia.
“Këtë vit paska më pak njerëz, ndoshta është që është koha shumë e nxehtë…. Të gjithë, ata që përfaqësojnë Kosovën, nuk ka ndonjë të veçantë… Rrugët, arsimin dhe shëndetësia dhe punësimi vjen kur të bëhen të gjitha këto”, tha Gashi.
Edhe Hilmije Sadiku, e cila jeton në Finlandë që 32 vjet ka theksuar se deputetët duhet të angazhon më tepër në të mirë të qytetarëve të vendit.
“Veç puno deri këtu si ke punua, shumë mirë. Kushtet janë pak të vështira siç e kanë lënë situatën, por me hapa të ngadalshëm dhe të sigurt… Edhe deputetëve kushdo që mendon mirë për Kosovën dhe të ardhmen edhe të fëmijëve tonë le të punojnë si duhet”, ka theksuar ajo.
Nga ana e deputetëve, Avni Dehari nga LVV-ja ka theksuar se mërgimtarët kanë shprehur interesim të madh për punën e institucioneve dhe zgjidhjen e problemeve me të cilat ata përballen.
“Mërgimtarët tanë janë të lidhur shumë me vendlindjen. Kur vijnë këtu kanë dëshirë të vizitojnë të gjithë të afërmit por edhe institucionet e Kosovës… Natyrisht kanë interesim të madh për institucionet, sepse aty shohin shtetin e tyre dhe shpresojnë në zgjidhjen e problemeve që kanë edhe ata”, ka thënë Dehari.
Deputeti tjetër i LVV-së, Mefail Bajqinovci ka shtuar se mërgata është “motori” kryesor dhe ekonomik i vendit. Sipas tij, arsyeja pse nuk po vizitohet nga shumë bashkatdhetarë, është pasi ata nuk janë njoftuar sa duhet.
“Është mirë ku po i shohim tash edhe gjeneratat, të cilat janë lindur dhe kanë jetuar këtu, por edhe gjeneratën e tretë e cila është lindur në Gjermani, Zvicër apo vende tjera, ku janë të interesuar dhe duhet t’iu tregojmë për punën dhe institucionet e Republikës së Kosovës, sfidat dhe problemet që ka shteti jonë dhe të arriturat… 8:29 Mërgata është motori kryesor edhe ekonomik i vendit, mbi një miliard euro, por edhe sheshe të mbushura…9:15 Nuk janë informuar, nuk ka pasur informim edhe nga ne, por edhe nga mediat. Tash e postova në Facebook që ka qenë gabim i imi që të mos i njoftoj”, ka shtuar ai.
Kuvendi i Kosovës do t’i mbajë dyert e hapura për mërgimtarët edhe nesër. /kp
