Pasi mposhti Audan në rrethin e tretë kualifikues të Conference League, Drita tani para vetës do të ketë një kundërshtar mjaftë të vështirë.
Skuadra polake, Legia Warszawa do të jetë kundërshtari i radhës për fazën play-off të Conference League.
Nga sajti i specializuar për statistika, “Transfermarkt” Legia vlerësohet plotë 22.55 milionë euro, derisa Drita nga ana tjetër, vetëm 5.26 milionë euro.
Futbollisti me vlerën më të madhe te skuadra polake, është Jean-Pierre Nsame, i cili vlerësohet plotë 2.8 milionë euro.
Në faktë, top 3 futbollistët me vlerën më të madhe, përfshirë edhe Nsamen, jane edhe Ruben Vinagre dhe Luquinhas, që të tre të huazuar te skuadra polake.
Trajneri i tyre është tekniku portugez, Gonçalo Feio.
Feio është në krye të Legia që nga 10 prilli i këtij viti, derisa i pëlqen të lujë me formacionin 3-5-2.
Ndryshe, ndeshja e parë mes Legia Warszawa dhe Dritës do të luhet më 22 gusht, aty ku gjilanasit do të jenë mysafit të polakëve./TelegramNews