Kryesuesi i Këshillit Gjyqësor të Kosovës, Albert Zogaj, ka thënë se disa gjyqtarë nuk janë vlerësuar për vite të tëra.

Ai përmendi rastin e një gjyqtari që, nga emërimi në vitin 2010 deri në 2022, nuk është vlerësuar për performancën e tij.

Zogaj ka shpjeguar se sistemi i vlerësimit para vitit 2021 ka qenë i dështuar dhe se nuk kishte dosje të performancës së gjyqtarëve. Ai theksoi se ky sistem nuk ka ofruar stabilitet dhe siguri për avancimin e gjyqtarëve të kualifikuar.

Sipas tij, paketa e re e Ministrisë së Drejtësisë, që është e dakorduar me KGJK-në, do të sigurojë një vlerësim më të dinjitetshëm. Zogaj gjithashtu theksoi se KGJK-ja ka mbështetur gjithmonë reformën në drejtësi.