Kandidati i PDK-së për kryeministër, Bedri Hamza, theksoi se brenda partisë ka unitet të plotë dhe mbështetje të pakushtzuar për kandidaturën e tij.
Ai shprehu bindjen se PDK është partia më e unifikuar në Kosovë, duke theksuar marrëdhëniet e ngushta mes anëtarëve për dekada.
Hamza theksoi se PDK është mirë e përgatitur për zgjedhjet e 9 shkurtit, duke krijuar shtabet zgjedhore në të gjitha degët e saj.
“E them me siguri të plotë që Brenda PDK ka unitet të plotë, përvec që jem të njëjtës parti me pjesë derrmuese jem miq e shokë, për dekada. Ka dallime në mosh, po rsa I përket stazhit politik I kanë më shumë se 20 vite në PDK. Jam I lumtur që kam një komunikim, një mbështetje. PDk është mirë e përgatitur. Kemi arritur që në të gjitha degët ti krijojmë shtabet zgjedhore, dhe pa asnjë dilemë jemi të përgatitur për zgjedhjet e 9 shkurtit.
Për njerëz jashtë vendimarrjes së PDK’së unë nuk e di, por për njerëzit në kryesi të PDK’së, në këshillin drejtues, në nivel të degëve, është një përkrahje dhe një unitet I plotë. Është partia më e unifikume në nivel të Kosovës”, tha Hamza në Debat Plus.
