Deputeti i PDK-së, Xhavit Haliti, ka kritikuar kryeministrin Albin Kurti për moskoordinimin me ndërkombëtarët lidhur me hapjen e Urës së Ibrit në Mitrovicë, duke e quajtur veprimin një “aventurë elektorale”.
Ai ka theksuar se hapja e njëanshme e urës mund të nxisë tensione dhe masa ndërkombëtare ndaj Kosovës.
Haliti ka paralajmëruar se, nëse Policia e Kosovës përpiqet të kundërshtojë KFOR-in për të zbatuar urdhrat politikë për hapjen e urës, Kosova mund të përballet me pasoja të rënda ekonomike dhe politike.
“… Policia e Kosovës nuk duhet me kundërshtu KFOR-in në asnjë rast. Policia nuk duhet me i zbatu urdhrat e politikës në këtë rast. Sepse do të ketë pasoja të rëndë vetë Kosova.
Do të ketë pasoja ekonomike dhe politike. Në terren nuk do të ketë më siguri vrasje, nuk do të ketë as arrestime. Do t’i heqin gurtë dhe KFOR-i do t’i vendos pas gjysmë ore”, ka thënë ndër të tjerash Haliti.
