Kryetari i Partisë Demokratike të Kosovës, Memli Krasniqi ka kritikuar Qeverinë e Kosovës për qasjen e saj sa i përket veriut të vendit.
Krasniqi madje tha se qasja e qeverisë atje në krye me Kurtin është logjikë militareske, pasi sipas tij Kosova është në betejë politike dhe diplomatike, shkruan TelegramNews.
“Kjo është logjikë militariste sepse ne nuk jemi në luftë për kontroll territorial. Ne këtu jemi në një betejë politike dhe diplomatike për të pasur në anën tonë më së pari patnerët kryesorë ndërkombëtarë SHBA-të dhe BE-në sepse nuk ka me pasë mundësi Kosova me imponu kurfarë zgjidhje në momentin e fundit. Prezenca e madhe e policisë hapja e dyqaneve edhe këto janë krejtë të kuptueshme dhe të mirëseardhura por nuk mund të thuhet se këto e zëvendësojnë procesin politik’, tha i pari i PDK-së.
“Fatkeqësi për qytetarët tanë që prej kur ka Kosovë të lirë, jo vetëm shtet, ne asnjëherë nuk kemi pasë më të cënuara dhe të tensionura orët e tona me aleatët. Kjo është evidente dhe shumë problematike”, shtoi Krasniqi/TelegramNews./
