Lista për familjen do të kandidojë në zgjedhjet e 9 shkurtit në koalicion me Aleancën Kosova e Re, e drejtuar nga Behgjet Pacolli.
Amir Ahmeti, përfaqësues i “Lista për Familjen”, në “Pressing” të T7, tha se ka shumë arsyeje për të cilat janë bashkuar në këtë koalicion.
Ky koalicion nuk ka ardhur njëherë për njëherë, por janë akomolu disa çështje të rëndësishme që e prekin shoqërinë tonë kosovare, familjen, shtetin, që e kemi shtet të ri, të brishtë, pa ulëse në OKB”, ka thënë ai.
“Është tregu që Kurti i ka mashtru shumicën, por jo liberalët e majtë për të cilët ka pasur një qasje parimore që të ecë përpara ideologjia e tyre. Agjenda e majtë liberale që ka për qëllim transformimin e këtyre institucioneve, përmes Kodit Civil, fertilizim artificial, gjendje civile, pra është një politikë. Një qasje politike që ka për qëllim me i shtri këto agjenda”.
E Eroll Venhari, tha se shumica e qytetarëve e mendojnë familjen siç është ajo tradicionale.
“Shumica e qytetarëve e ndajnë mendimin që gjërat që janë të shenjta nuk duhet të preken. Një pjesë shumë e madhe e shoqërisë e mendojnë familjen si ne, ku ka nënë, babë, etj”, ka deklaruar ai.