Një avari me pasoja të prodhimit të energjisë elektrike , ka ndodhur mbrëmë gjatë natës në Termocentralin Kosova A, ka deklaruar për Telegram News, deputeti i PDK-së Ferat Shala.
“Është në pyetje kazani i Termocentralit Kosova A në Bllokun A4, i cili gjatë natës së mbrëmshme ka shpërthyer dhe pamjet e tij janë publikuar në postimin tim në Facebook”, ka thënë deputeti Ferat Shala.
Në postimin e deputetit Shala, shihet zjarri aktiv brenda kazanit, për të cilin shërbimi i zjarrfikjes ka deklaruar të mos kenë pranuar kërkesë për ndihmë, e po ashtu deri tani as policia nuk ka raportuar për ndonjë njofzim .
Pasojat e shpërthimit të “bojlerit të Albinit” në Termocentralin Kosova A, do të kenë pasoja për Kosovën, sepse do të rritet importi i energjisë elektrike nga rajoni që i shkon shumë përshtati mafisë energjetike, e cila përfiton nga importi i rrymës.
Për Eksplodimin e kazanit “bojleri i Albinit”, në Termocentralin Kosova A, Blloku A4, tani për tani nuk ka më shumë të dhëna zyrtare.
“Kjo i shkon për shtati mafisë energjetike, sepse tash na duhet import i energjisë!”, ka shkruar deputeti Shala. /Telegram News