Bayern Munich ka mposhtur me rezultat shkatërrues Dinamo Zagreb 9:2 në kuadër të ndeshjes së parë në Ligën e Kampionëve.

Bavarezët ishin dominues në pjesën e parë duke e mbyllur me rezultat 3-0. Harry Kane, Raphael Guerreiro dhe Micheal Olise shënuan golat për vendasit.

Por me të filluar pjesa e dytë, kroatët e hapën ndeshjen me dy gola të shpejtë për të ngushtuar epërsinë e vendasve.

Mirëpo kjo ishte pika e kthesës për vendasit, jo për mysafirët. Pas kësaj Bayern Munich arriti të shënojë edhe gjashtë herë të tjera.

Harry Kane shënoi edhe tri herë të tjera, ndërsa nga një tjetër gol shtoi edhe Olisen, ndërsa po ashtu rrjetën gjetën edhe Leroy Sane dhe Leon Goretzka.

Kjo ishte fitorja më e lartë e një ekipi në ditën e sotme në Ligën e Kampionëve.