Presidenti turk, Recep Tayyip Erdogan, kritikoi ashpër politikat e Izraelit, duke i quajtur ato gjenocidale dhe duke dënuar paaftësinë e OKB-së për të mbrojtur civilët në Palestinë dhe Liban.
Në konferencën “Diplomacia globale dhe e ardhmja e Palestinës” në Ankara, ai theksoi se institucionet ndërkombëtare, përfshirë Këshillin e Sigurimit të OKB-së, janë të pafuqishme përballë agresionit izraelit.
Erdogan pyeti se si mund të mbrohen të drejtat e njerëzve nëse OKB-ja nuk mbron as paqeruajtësit e saj.
Ai akuzoi lobin sionist për ndikimin e tij global dhe riafirmoi mbështetjen e Turqisë për Palestinën, duke theksuar se do të vazhdojë të ofrojë ndihmë humanitare dhe të promovojë krijimin e një shteti të pavarur palestinez me Jerusalemin Lindor si kryeqytet.