Nuk është fjala për arrestimet në ministrinë e Liburn Aliut, as për tenderët një burimorë, por bëhet fjalë për rrahjen brutale të Goran Rakiqit, ish kryetarit të Listës Serbe brenda të cilës është futur “Brigada e Veriut”, që operon nga duart e krye terroristit Milan Radoiçiq.
Mjeku Zlatan Elek, aktualisht kryetar i Listës Serbe, i zgjedhur pas sulmit terrorist në Banjskë, që erdhi si parashut me urdhër urgjent të Vuçiqit për ta shfajësuar Listën Serbe nga “mëkati” i Banjskës, është ai që po e mban në dry informativ motivin dhe shkalllën e rrahjes brutale të Goran Rakiqit, ish liderit serb të veriut, i cili për pak më shumë se një vit, po akuzohet nga serbët veriorë për tradhti kombëtare.
Ka kohë që numrin një të Listës Serbe, qytetarët serbë e ndjekin duke e sharë rrugëve të Mitrovicës veriore, siç kanë treguar edhe storjet televizive, për arsyet që i din ai më së miri, por ajo që e di opinioni dhe që shihet, është se Goran Rakiq, ka reduktuar aktivitetin politik në Kosovë, duke kaluar në punët politike të Serbisë, ku Vuçiq e ka tërhequr nga punët e pista në veri, në pozitën deputet në Kuvendin e Serbisë.
Ornagizatat civile në veri të Kosovës vitin e kaluar kanë raportuar para objektit të lartë ndërtimor të përfolur si objekt pronësor i kryetarit të Listës Serbe, duke akuzuar Rakiqin për shpërlarje parash nga fondet e Beogradit dhe të Kosovës.
Burime të Telegram News nga veriu i Kosovës, rrahjen brutale të Goran Rakiqit e kanë ndërlidhur me kompanitë e Milan Radoiçiqit, ku Rakiq si ndihmëtar i përvetësimit të tenderëve nga Kosova, shumica e të cilëve janë përthithur nga viti 2021, sipas hulumtimit dhe zbulimit të të gjitha shifrave dhe numrit të tenderëve që i ka raportuar gazeta Telegram News.
“Ish kryetari i Listës Serbe, tani deputet i Kuvendit të Serbisë Goran Rakiq, pas mesnatës së diele është sulmuar brutalisht në veri”, ka raportuar gazeta Danas, pa dhënë detaje tjera siç e kanë zakonisht informimin e plotë nga veriu të gjitha mediat e Beogradit, edhe për më të voglin incident që ndodh në veriun e Kosovës.
Nga spitalin ku është pranuar për shërim Goran Rakiq, nuk ka dal asnjë fjalë e vetme informative rreth këtij sulmi të planifikuar.
Sipas burimeve të sigurta të gazetës Telegram News nga veriu, Goran Rakiq është rrahur brutalisht nga banda “Brigada e Veriut”, në rrugën “Sutjeska” të Mitrovicës së veriut, pak para hyrjes në banesën e tij, rreth orës 02. 21 pas mesnatës së diele dhe është dërguar për trajtim në spitalin e veriut të vendit ku ka kaluar në përkujdesin e Zlatan Elek, aktualisht kryetar i Listës Serbe, i cili i ka mbyllur të gjitha rrugët informative edhe për çasje policore ndaj këtij akti të dhunës.
Gazeta Danas ka shkruar se “ dyshohet që sulmi brutal ndaj Goran Rakiqit, ka ndodhur pikërisht në rrugën “Sutjeska” në Mitrovicën e Veriut në orët e hershme të mëngjesit të së dielës dhe pas të gjitha përpjekjeve për t’u informuar nëse Rakiq është trajtuar gjatë natës në këtë spital, askush nuk ka folur”, përcjell Danas.
Ai që ka dhënë informacione të vetme nga veriu rreth kësaj rrahje brutale është udhëheqësi i Lëvizjes Qytetare “Përgjigja” (Odgovor), Boban Bogdanoviq që ka dhënë detaje të motivit pse ka ndodhur sulmi brutal ndaj Goran Rakiqit dhe ka detajuar se “Goran Rakiq është sulmuar nga kolegët e organizatës terroriste “Brigada e Veriut. Goran Rakiq ka borxhe të mëdha financiare ndaj Milan Radoiçiqit dhe rrahja e tij ka ndodhur për shkak të borxheve ndaj Radoiçiqit”, ka njoftuar në platformën X Boban Bogdanoviq duke dhënë edhe detajet se në cilat burime është njoftuar:
”Miqtë e mi nga Mitrovica më njoftuan mbrëmë menjëherë se mbeturina Goran Rakiq, është rrahur nga kolegët e tij të organizatës terroriste “Brigada e Veriut”. Borxhet e tij financiare ndaj terroristit Radojiçiq janë të mëdha”, duke përfunduar me fjalinë dëshirore “u shfarosëshin”!
Rastin nuk e ka konfirmuar as zëvendës drejtori i Policisë së Kosovës për Veriun Veton Elshani.Drejtori i Institutit “Octopus” Agim Musliu thotë se Rakiq u rrah nga shokët e tij, kriminelë dhe terroristë të lidhur me Aleksandar Vuçiqin dhe Milan Radoiçiqin”.
Ai në rrjetin social X ka thënë se do të provohet në veri që rasti t’u mveshet shqiptarëve. /Telegram News