Policia e Kosovës ka njoftuar se tre policë janë sulmuar fizikisht ditën e premte në Suharekë.

Sipas njoftimit, lidhur me rastin janë arrestuar dy persona.

“Suharekë 20.09.2024 – 21:15. Janë arrestuar dy të dyshuari meshkuj kosovarë, pasi që të njëjtit i kanë sulmuar fizikisht tre zyrtarët policorë, duke u shkaktuar lëndime trupore. Gjatë kontrollit njërit të dyshuar i është gjetur dhe konfiskuar një cigare me substancë që dyshohet të jetë narkotike e llojit marihuanë”, thuhet në njoftim./TelegramNews./