Presidentja e Kosovës, Vjosa Osmani, deklaroi në një intervistë për TVP World se Rusia po përpiqet të destabilizojë Ballkanin Perëndimor për të hapur një front të ri kundër Perëndimit.

Ajo theksoi rëndësinë e bashkëpunimit të Kosovës me aleatët dhe partnerët demokratikë për të ndaluar përpjekjet destabilizuese nga Serbia, e cila është ndihmuar nga Rusia.

“Dhe për këtë arsye, është thelbësore që Kosova të punojë krah për krah me aleatët, me partnerët nga bota demokratike, për t’u siguruar që ne të ndalojmë këto nisma destabilizuese nga Serbia, të ndihmuara dhe të nxitura nga Rusia, dhe në të njëjtën kohë të forcojmë mbrojtjen tonë në mënyrë që kur Serbia që ka qëllime për të na kthyer të gjithëve në të kaluarën, ne mund të vetëmbrohemi dhe të vazhdojmë të kontribuojmë për paqen dhe sigurinë në rajonin tonë e më gjerë”, tha presidentja.

“Rusia dhe Putini duan të hapin një front të ri kundër Perëndimit duke destabilizuar Ballkanin Perëndimor”.