Bayer Leverkusen e ka mbyllur me trofe një sezon fantastik. Ekipi gjerman e ka fituar edhe trofeun e dytë këtë edicion.
Skuadra gjermane triumfoi në finale të Kupës së Gjermanisë minimalisht 0:1 ndaj ekipit nga kategoria e dytë, Kaiserslautern.
Granit Xhaka ishte protagonisti kryesor në këtë takim, duke shënuar një gol të jashtëzakonshëm dhe të vetmin në këtë takim.
shte një goditje e fuqishme nga distanca e cila u ndal në rrjetë.
Dhe pikërisht për këtë gol të Xhakës dhe këtë sukses historik ka reaguar babai i futbollistit, Ragipi.
“Me shumë krenari dhe emocion dua ta urojë birin tim Granitin pasi fitoi Kupën e Gjermanisë me Bayer Leverkusen. Me një gol të jashtëzakonshëm, ai e drejtoi skuadrën e tij drejt fitores dhe na bëri të gjithëve të ndjehemi të bekuar. Granit, je një kampion i vërtetë dhe inspirim për të gjithë. Mburrem me ty për çdo të arritur tënde. Urime nga zemra për këtë arritje të mrekullueshme”, shkruhet në postimin e Ragip Xhakës.
31-vjeçari ishte një nga futbollistët kryesor i Xavi Alonsos këtë edicion, duke kontribuar me katër gola dhe dy asistime në të gjitha garat./GazetaPuls