Një turiste e supozuar pretendon se ajo është përdhunuar në grup për pesë ditë pasi u rrëmbye në Pakistan, para se ta hidhnin në rrugë me duart dhe këmbët e lidhura.

Gruaja 28-vjeçare u gjet e shtrirë në rrugë në Islamabad, me një foto që e shfaqte atë me duart e lidhura pas shpine dhe kyçet e lidhura me rripa.

Ajo tha se burrat që dyshohet se e përdhunuan në grup e hodhën nga një automjet në sektorin G-6 të qytetit, ku u gjet nga kalimtarë të cilët thirrën policinë.

Gruaja, e cila pretendon se është turiste nga Belgjika, u dërgua në spital. Ajo thuhet se i tha policisë se kishte qenë në Pakistan për gjashtë muaj.

Policia që atëherë ka arrestuar një burrë dhe ka kontrolluar banesën e tij, por ai i tha policisë se gruaja ishte e sëmurë mendërisht dhe se nuk mbante asnjë letër me vete, sipas raporteve të mediave lokale.

Pasi hetuesit iu drejtuan ambasadës belge për të konfirmuar pretendimet e gruas se ajo ishte turiste, zyrtarët thuhet se u thanë atyre se nuk kishin të dhëna që gruaja ishte në Pakistan.

Agjencia e sigurisë e Pakistanit, FIA, i bëri jehonë kësaj deklarate dhe tha se nuk kishin asnjë gjurmë të gruas që hyri në vendin e tyre.

Zyrtarët në ambasadën belge dërguan policinë në ambasadën holandeze, pasi qyteti i lindjes së gruas thuhet se është afër kufirit midis Belgjikës dhe Holandës.

Por policia lokale që po heton pretendimet e gruas thuhet se besojnë se ajo nuk është e huaj. /Dailymail