Zyra Kombëtare e Auditorit ka publikuar raportin për vitin 2023 për Ministrinë e Punëve të Brendshme, ku evidentohen shkelje të ndryshme.

Ministria ka kryer pagesa prej 108,794 eurosh për 20 punonjës të cilët nuk kanë qenë në punë gjatë vitit 2023.

Këta punonjës janë pjesë e komunitetit serb dhe pavarësisht rekomandimeve të shumta, ministria ende nuk ka ndërmarrë masa për të rregulluar këtë situatë, duke shkaktuar dëme financiare të rëndësishme për buxhetin e Kosovës.