Një zjarr i madh në fshatin Zabërgjë të Klinës ka kapluar dy stalla, duke shkaktuar dëme të konsiderueshme.

Tre bagëti që ishin brenda stallës janë djegur gjithashtu, sipas konfirmimit të zëdhënësit rajonal të policisë për Pejën, Fadil Gashi, për Telegram News.

Zjarrfikësit dhe ekspertët e zjarreve kanë intervenuar në vendin e ngjarjes për të hetuar shkakun e zjarrit. Fatmirësisht, nuk ka pasur të prekur njerëz.

Vlera e dëmeve akoma nuk është përcaktuar dhe se duhet ende të pritet për të parë se çka e ka shkaktuar zjarrin.