Një numër i madh punëtorësh dhe makinerishë po punojnë me intensitet në fshatin Varagë të Zubin Potokut për sanimin e dëmit në kanalin e Ibër-Lepencit, pas shpërthimit të ndodhur më 29 nëntor.

Punimet përfshijnë krijimin e një baj-pasi për të mundësuar lëvizjen më të lirshme të ujit nga Liqeni i Ujmanit, duke lehtësuar riparimin e kanalit.

Kompania Rajonale e Ujësjellësit në Mitrovicë ka njoftuar për reduktime të furnizimit me ujë dhe për pasiguri në cilësinë e ujit, që është i papijshëm deri në një raport final nga Instituti Kombëtar i Shëndetit Publik.

Zona e shpërthimit po monitorohet nga Policia, dhe autoritetet kanë deklaruar se sulmi ka qenë terrorist, i orkestruar nga bandat e Beogradit.