Policia e Kosovës ka dhënë detaje për vrasjen e rëndë në lagjen “Kodra e Trimave” në Prishtinë.
Në njoftimin e Policisë bëhet e ditur se në vendngjarje janë gjetur 10 gëzhoja dhe katër predha.
Derisa, është marrë vendim që e dyshuara të dërgohet në mbajtje.
Njoftimi i plotë:
VRASJE E RËNDË
Prishtinë / 20.08.2024 – 19:00. Lidhur me rastin njësitë policore kanë dalë në vendin e ngjarjes ku kanë gjetur trupin e pajetë të viktimës mashkull kosovar si dhe janë gjetur 10 gëzhoja dhe katër predha. Në cilësi të provave materiale është sekuestruar një pistoletë me të cilën dyshohet se është kryer vrasja, një karikator me 3 fishekë. Me vendim të prokurorit i cili ka qenë prezent në vendin e ngjarjes trupi i pajetë i viktimës është dërguar në obduksion, po ashtu gjatë kontrollit janë gjetur edhe 27 fishekë që janë sekuestruar në cilësi të provave materiale. E dyshuara me vendim të prokurorit është dërguar në mbajtje.
