Vendimi për vendosjen e masave të jashtëzakonshme në Trepça Sh.A. është i jashtë ligjshëm dhe paraqet shkelje të Ligjit të punës dhe Ligjit për Grevat.
Në asnjë pjesë të këtij ligji, nuk parashihet masa ndëshkuese e cilësuar si “gjendje e jashtëzakonshme” brenda marrdhënjes së punës.
Ligji për grevat, e ka edhe masën mbrojtëse për grevistët si mekanizëm ,diçka që i përngjan masës së sjellur në Treça Sh.A. pas grevës dy muajshe të minatorëve.
Ligji i Punës dhe Ligji i Grevave, mbrojnë punëtorët edhe nga kërcënimet siç u duk nga pamja me minatorët e Ministrit të Brendshëm Xhelal Sveçla dhe Ministrja Rizvanolli duke kërkuar fajtorët mes punëtorëve për bojkotimin e punës pas mospagesave të dy pagave nga Qeveria si pronare me 80% të mjeteve.
Enis Abdurrahmani, ushtues detyre i kryeshefit Ekzekutiv Trepça Sh.A. mori vendim për një masë të tillë për siç thuhet , mobilizim të fuqisë punëtore të kësaj ndërmarrjeje.
Eksperti i fushës minerare dhe deputeti Ferat Shala, njohësi më i mire i rrethanave në Trepça Sh.A., vendosjen e masave të jashtëzakonshme në Trepçç e ka quajtur të pa ligjshme.
“Vendosja e masave të jashtëzakonshme në ndërmarrjen Trepça është e paligjshme dhe është e pakuptueshme, nuk e ndihmon gjithë situatën, të cilën tashmë menaxhmenti i udhëhequr nga LVV dhe nga kryeministri Kurti i ka vendosur këto masa.
Ajo çka shohim deri tani janë postimi me baza ditore i largimit të njerëzve nga puna.
E vërteta është se Trepça nuk mund të rimëkëmbet apo të ringjallet me këto masa të jashtëzakonshme. Kjo asocion në një të kaluar të hidhur që ka pasur Trepça, në të cilën parimisht janë larguar punëtorët nga puna por edhe janë vendosur masa të dhunshme, të cilat kanë rezoltuar sipas historisë në dështim total.
Rekomandojmë që masat e jashtëzakonshme janë të dëmshme për ndërmarrjen, në Trepçë duhen investime, menaxhim adekuat e profesional por duhet të sjellën edhe pajisje e tekonologji të reja.
Praktika globale botërore tregon që kultura menaxheriale e industrisë nuk pranon dhunë dhe nuk pranon zë policor.
Kur mungojnë idetë zhvillimore, kur mungojnë investimet pastaj dalin masat administrative me tendecë centraliste dhe jashtëzakonisht të dëmshme”, ka spikatur Ferat Shala për Telegram News.
Burime të sigurta brenda minatorëve ku ka kontaktuar gazeta Telegram News, nuk kanë konfirmuar mbështetje për gjendjen e jashtëzakonshme më ndërmarrje.
Burimi I sigurtë I gazetës ka lutur të mos bëhen publikë emrat që po flasin, por kanë premtuar se Sindikata e Minatorëve. Trepça do të ulet të merr vendime konform gjendjes së krijuar.
Ata kanë premtuar se të hënen pritet të ketë të reja nga sindikata, ndërsa për vendimin e menagjmentit për gjendje të jashtëzakonshme nuk kanë pranuar të flasin.
“Në Trepçë gjendja është shumë e rëndë, nuk ka qenë kurrë kështu Trepça,sot as në ditët më të rënda që janë kaluar siç e din tëtë populli”, ka thënë burimi I gazetës duke u lutur për anonimitet ,pasi çdo ditç ka largime ./Telegram News
