Xhelal Sveçla, ministër i Punëve të Brendshme, ka folur në lidhje me sulmin e armatosur në Banjskë të Zveçanit, që ndodhi saktësisht më 24 shtator të vitit 2023.
Në një intervistë për RTV Dukagjini, Sveçla ka treguar se si e kuptoi rastin. Ministri Sveçla ka treguar se u telefonua nga eprori i veriut, gjatë sëcilës telefonat e kishte kuptuar për vrasjen e heroit Afrim Bunjaku.
“Momentin kur realisht ka ndodhur sulmi, të cilin u vra Afrim Bunjaku, menjëherë jam thirrë në telefon nga eprori i rajonit. Jam njoftu se tashmë kemi një sulm, i cili ka pasojat e tij. Pak a shumë është ditë që Afrimi ka ndërru jetë, por nuk është ditur për gjendjen e të plagosurve të tjerë. Ashtu jam njoftu, kemi një të vrarë, kemi të paktën edhe një të plagosur, gjendjen e të cilit nuk e dimë si është, sepse unë kam pyetur si është gjendja e të plagosurit. Më kanë thënë se nuk e dinë. Edhe realisht këtu ka ndodhur ai momenti kur është marrë momenti për mobilizim të plotë” – tha Sveçla.
“Pavarësisht se ka mundur të urdhëroj një patrullë policëve se çfarë është duke ndodhur ai iu ka pri atyre. Edhe pse ligjërisht ka mundur të iu thotë shkoni shihni se çfarë është duke ndodhur, por iu ka thënë ejani me mua të shohim se çfarë po ndodhë. Kjo është cilësia e një lideri dhe heroit i cili pa kurrfarë hezitimi në një ambient terri absolut iu prinë policëve për të kryer detyrën”, ka theksuar ai.
