Kandidati presidencial nga radhët e republikanëve Donald Trump tha sot se Shtetet e Bashkuara duhet të tërhiqen nga lufta në Ukrainë dhe se Zëvendës Presidentja Kamala Harris dhe Presidenti Joe Biden nuk kanë asnjë plan ta bëjnë këtë.
“Biden dhe Kamala na futën në luftë në Ukrainë dhe tani ata nuk mund të na nxjerrin jashtë. Ata nuk mund të na nxjerrin jashtë, “tha Trump në fjalimin e tij në shtetin e Xhorxhias, transmeton Telegram News.
Shtetet e Bashkuara nuk kanë një ushtri në Ukrainë, por i ka siguruar asaj ndihmë ushtarake dhe humanitare me vlerë miliarda dollarë.
“Unë mendoj se do të ngecim në atë luftë nëse nuk bëhem president. Do ta mbaroj. Unë do të negocioj dhe do të dalim. Duhet të dalim. Biden thotë se “ne nuk do të largohemi derisa të fitojmë”. Çfarë do të ndodhë nëse fitojnë? ” tha Trump. /TelegramNews/
